Category: پناه

د پناه حق یو  نړیوال اساسي حق دي. د المان په فدرالي جمهوریه کې دا د اساسي قانون برخه ده (ماده 16 ای: “په سیاسي توګه استفاده شوی د پناه حق”). که تاسې د خپل اصلي هیواد نه د سیاسي تعقیب له کبله په مستنده توګه راتښتیدلي یاست یا هلته مو د نورو علتونو له کبله ژوند په خطر کې و، نو د پناه د ادعا کولو حق لرۍ.

همدارنګه، المان د جنیوا کنونشن سره په الحاق دا ژمنه کړې چې کډوالو ته به د نړیوالې ساتنې اجازه ورکوي.

په المان کې د پناه غوښتنلیک یواځې په فدرالي دفتر کې سپارل کیدی شي. فدرالي دفتر محکمه نه ده بلکه صلاحیت لرونکي مقامات دي. دا تصدیقوي چې تاسې په خپل اصلي هیواد کې تعقیبول کیږۍ او آیا که تاسې خپل هیواد ته واپس ستانه شۍ نو د تعقیبونې او ځورونې خطر لرۍ او کنه. که تاسې د تعقیبونې له کبله اغیزمن کیږۍ، دا په دې باور لري چې آیا تاسې په خپل اصلي هیواد کې حکومتي دفاع ترلاسه کړې او کنه.  دا تعین به هم کیږي چې آیا تاسې د خپل هیواد په کومه بله سیمه کې دفاع او ساتنې موندلی شۍ. فدرالي دفتر به یوه دوسیه پرانزي او ستاسې شخصي معلومات به ثبت کړي. که ستاسې عمر 17 کلن وي نو عکس او د ګوتو نښې به مو واخیستل شي.

د ابتدایي هرکلي په مرکز کې د پناه د کړنلارو (کیریتاس) لپاره د مشاورت مرکزونه موجود وي. تاسې د مشاورت په دغو مرکزونو کې د پناه د بهیر په ټولو مرحلو کې خپل حقونه او مسؤلیتونه کتلی شۍ. حتی تاسې خپل هیواد ته د رضاکارانه بیرته ستنیدنې او کډه کیدنې د انتخاب په اړه شخصي مشوره هم ترلاسه کولی شۍ. دغه مشاورتي مرستې وړیا وړاندې کیږي، چې نامعلومه وي او د مذهبي تړون څخه خپلواکې وي.

د پناه د جریان په اړه د BAMF له خوا وړاندې کیدونکي معلوماتي ویډیو (په 10 ژبو کې) هم تاسې د اوریدنې لپاره چمتو کوي. لطفاً د خپل هرکلي په ابتدایي مرکز کې پوښتنه وکړۍ چې دغه کوم ځای ښودل کیږي.

د محکمې اوریدنه کومې ته چې اکثر “مرکه” هم ویل کیږي د لومړي ځل عارضینو لپاره ترټولو مهم فرصت وي چې د خپلې تيښتې د علتونو وضاحت وکړي. فدرالي دفتر به دا پریکړه کوي چې آیا د اوریدنې پراساس په المان کې د ساتنې اجازه ورکړل شي او کنه.

 

! لطفاً په یاد ساتئ: اوریدنه ستاسې لپاره لومړۍ او یوازینۍ لار ده چې د پناه د حق لپاره شخصي مقاصد برابر کړۍ. د دې خبرو اترو او بحث په اهمیت ځان پوهه کړئ او د اوریدنې لپاره ځان په ښه توګه چمتو کړئ.

 

اوریدنه د ګنجایش پراساس د غوښتنلیک سپارلو نه وروسته د یو څو وروځو نه تر څو میاشتو پورې په موده کې ترسره کیدی شي.  فدرالي دفتر په لیکلي بڼه تاسې ته ”د §  25 د پناه د کړنلارې د قانون سره سم د اوریدنې” بلنه درکوي. په دغه اوریدنه کې ژباړونکی موجود وي. فدرالي دفتر د مخکې نه د هغه ژبې څخه خبر کړئ په کوم کې چې به اوریدنه ترسره کیږي.

 

په دغه اوریدنه کې 25 پوښتنې ورکړل شوې وي. له تاسې څخه به ستاسې د اصل، د خپل هیواد د پريښودلو علتونه او ستاسې د راتګ د سفر د لارې په اړه معلومات ترلاسه کیږي. په رښتینې او بشپړه توګه ټول پوښتل شوي معلومات وسپارئ.  پریکړه کوونکی به له هغه معلوماتو سره د موافقت کتنه کوي کوم چې تاسې د ثبتیدو پرمهال ورکړي و. د اوریدنې ټولې څرګندونې په ژباړل شوي نسخه کې وګورئ چې صحیح دي او  په خپل لاسلیک کولو یې تائید کړئ.

 

! احتیاط: لطفاً دا یقیني کوئ چې د کورنۍ د ټولو غړیو د نومونو دقیقه املا وګورئ او صحیح وي!

فدرالي دفتر به د پناه لپاره ستاسې د غوښتنلیک د پریکړې (نظر)  څخه تاسې په لیکلي بڼه خبر کړي. پریکړه باید په انصاف او قانوني مرستې سره  شوې  وي. په دغه مرسته کې دا ورکړل شوې وي چې آیا تاسې پریکړه کتلی شۍ او څنګه یې کتلی شۍ او دغه پریکړه چیلنج کولی شۍ.

د مثبت پریکړې په حالت کې به تاسې د استوګنځې اجازه ترلاسه کړۍ.  د پریکړې پراساس دغه اجازه په لومړۍ کې د یو نه تر دریو کالو پورې ورکول کیږي.  د غوښتنلیک د ردونې په حالت کې به تاسې د هیواد پريښودنې یو امر او شړنې اخطار ترلاسه کړۍ چې د دغه اخطار له کبله تاسې د کډه کیدلو مسؤل یاست. که د هیواد څخه شړنه ممکن نه وي، نو ایلینز اداره په موقتي توګه د ګالنې اجازه (د هیواد څخه د شړنې موقتي ځنډونه) ورکړي.

 

که تاسې د مشورې د مرکزونو څخه استفاده کوۍ، هغوی به تاسې ته د BAMF د پریکړې او پایلو په اړه معلومات درکړي.

تاسې په محکمه کې د فدرالي دفتر د پریکړې خلاف استیناف کولی شۍ.  عارضین باید په استیناف کې ممکن مرستې او وروستنۍ نیټې نوټ کړي. لطفاً په یاد ساتئ چې که تاسې کوم اعتراض کول غواړۍ نو باید په چټکۍ سره اقدام وکړۍ.

حتی په هغه وضعیت کې هم کله چې تاسو یو وکیل ګومارل غواړۍ، تاسې باید دغه اقدام ژر تر ژره ترسره کړۍ. په سیکسني – ان هالټ وغیره کې د پناه په جریان کې – د کیریتاس او کډوالو د شورا له اړخه د پناه په کړنلارو کې د وکیلانو د وړیا مشورې وړاندیز کیږي.