Category: له ټولنې سره د یوځای کیدو وړاندیزونه

کله چې د هرکلي لومړی مرکز  په لیلیه یا اپارتمان کې ستاسې د استوګنې مسؤلیت واخلي، ښاروالي به د دې لپاره ستاسې مسؤل وي.  هغه کورنۍ چې ماشومان ورسره وي هغوی عموماً اپارتمان ژر ترلاسه کوي. د یوازې سفر کوونکي کډوالو نه یوه کوچنۍ ډله جوړه کړی شي یا په ارتمان کې په شریکه ټولنیز ژوند کوي.

په ټولنه کې ستاسې د تماس نیونې مرکزي کسان هغه ټولنیز کارکوونکي دي کوم چې په لیلیه یا اپارتمان کې ستاسې پاملرنه کوي. په لومړي ورپيژندنه کې ستاسې سره د مرستې لپاره د سیمه ییز هرکلي په پروګرامونو کې د رضاکارانو یا سرپرستانو څخه مرسته ترلاسه کوي.  د مهاجرت د مشورې مرکزونه عموماً په ټاکل شوي خلاص ساعتونو کې د مشاورت مرسته وړاندې کوي. دلته به تاسې د پناه د کړنلارې، د مهاجرت د قانوني موضوعاتو، ټولنیز خدمتونو او ژبې د پرمختګ، زده کړې او استخدام په اړه د ماهرانو مرسته ترلاسه کوۍ. سمیه ییزې اتحادیې او کلوبونه هم موجود دي. په دې کې عمومي معلومات، د کتنې ځای، کلتور، لوبې او ژبې د کورسونو په اړه معلومات ورکول کیږي.

 

په ستر ښارونو کې کډوال د کډوالو موسسو ته راټولیږي. په تاسې کې به زیاتره کسانو ته دا معلومه وي چې دا څومره مشکل ده چې راورسیږۍ او د نور نوي راتلونکو کسانو سره په ژباړو او پيژندنو کې مرسته وکړۍ. د کډوالو د موسسو دولتي شبکې (Lamsa) ته عریضه وکړئ. هغلته تاسې مستقیماً کتلی او معلومولی شۍ چې ستاسې په ګاونډ کې د کډوالو کومې موسسې موجودې دي.

په المان کې اکثر د یو مسلک لپاره مستندې مسلکي ډګرۍ ته اړتیا وي. که تاسې مسلکي روزنه ترسره کړي وي یا د پوهنتون ډګرۍ لرۍ، نو په یاد ساتئ چې د مقاماتو لخوا دغه لیاقتونه تصدیق کیږي. که تاسې د دې خدمت څخه استفاده نه شۍ کولی چې د هرکلي په ابتدایي مرکز کې د خپل مسلکي لیاقتونو تصدیق وکړۍ، نو خپلې سیمه ییز ټولنې ته په رارسیدلو سمدلاسه د ټولنیز کارکوونکي یا کونسلر سره اړیکه ټینګه کړئ. هغوی به تاسې ته د فدرالي ګومارنې د ادارې د وړتوب د ارزونې په اړه معلومات درکړي. د زده کړې، روزنې، مسلک او مطالعې د بشپړتیا او کار د تجربو په اړه به په ګڼو ژبو کې سوالنامې وړاندې کیږي. که ستاسې د لیاقت پروفایل څرګند کړی شو، نو تاسې د دې د تصدیقولو او منلو لپاره باید د امکاناتو په اړه مشوره ترلاسه کړۍ. د ایي کیو شبکې د مشورې د اړوند مرکزونو سره تماس ونیسئ. مشاورین به له تاسې سره ګام په ګام د خارجي لیاقتونو د تصدیقولو او په رسمیت پيژندلو په دې مشکل مرحله کې مرسته او کومک کوي.

د استوګنځي د اجازې سره د منل شوي کډوال په توګه تاسې د کار بې بندیزه اجازه لرۍ. که ستاسې د غوښتنلیک پروسه لا روانه وي یا تاسې د ګالنې وضعیت لرۍ، تاسې د دریو میاشتو د اوسیدو ورسته سمدلاسه د کار  اجازه ترلاسه کولی شۍ او د دې لپاره د مهاجرت دفتر ته عریضه وکړئ.  د ګومارنې فدرالي اداره به کتنه ترسره کړي او یوازې به هغه مهال موافق کیږي چې د دغه کار لپاره هیوادني کاندیدان نه وي (د لومړیتوب کتنه) او د ګومارنې مرکز قانوني معیارونه پوره کوي.

د سیکسني – ان هالټ ولایت په چټکۍ د وړتوب ارزونه او په کار کې له ټولنې سره د یوځای کیدنې عمل په نظر کې نیسي. د کارګر د مارکیټ په مشاورت کې زیات همکاران په شریکه کار کوي. په دې اړه نور معلومات د ګومارنې د فدرالي ادارې (BA)، په کرافټ غونډه او د سوداګرۍ په غونډه کې د مهاجرت د مشاورینو څخه ترلاسه کیدی شي.  ګڼ شمیر کلوبونه په مشاورت کې مرسته کوي، لکه د پروژې شبکه جاب بریج پلس، ده نیټ ورک ایي کیو، د سټیټ انیشییټیو “پروفیشنل فوکس”  او د کډوالو د موسسو دولتي شبک (Lamsa eV). د خپل وړ مشاور یا متخصص مشاورینو سره په دې اړه مشوره وکړئ چې د کارګر د مارکیټ سره یوځای کیدنه به ستاسې لپاره کوم فرصتونه رامنځته کوي.

 

یادونه: د ژبې مهارتونه نه لرل یا کم مهارتونه لرل اکثر د کارګر سره د مارکیټ په یوځای کیدنه کې ترټولو ستر مشکل جوړیږي. له دې کبله خپل پوره کوشش کوئ چې څومره ژر ممکن وي د المانۍ زده کولو د ټولو فرصتونو څخه پوره استفاده وکړئ.

په المان کې هر ماشوم په چایلډ ډی سنټر (Kita) کې د مرستې حق، په شریکه د زده کړې او د نورو ماشومانو سره د لوبې کولو حق لري. ستاسې هغه ماشوم هم دغه حق لري چې ولایت یا د ولایتي کچې ښار ته سپارل شوی وي. چایلډ ډی سنټر ته په تګ سره د الماني ژبې په زده کړه کې پرمختګ کیږي او د نورو ماشومانو سره اړیکې جوړیږي. ستاسې ټولنیز کارکوونکی/کارکوونکي به له تاسې سره په کیټا (Kita) کې د شاملیدو د غوښتنې لپاره مرسته وکړي.

که تاسې د مخکې نه ډګري لرۍ، نو په دې اړه مشوره ترلاسه کړئ چې کوم فرصتونه ستاسې لپاره موجود دي. په المان کې د زیاتو مسلکونو لپاره روزنه د “غبرګ روزنې” په توګه ترسره کیږي. دغه روزنه عموماً درې کاله دوام کوي. په دې کې د سوداګرۍ عملي روزنه او په مسلکي ښوونځی کې غیرعملي زده کړه شامله وي. تاسې د کار ګومارنې په مرکزونو کې مشوره ترلاسه کولی شۍ یا د کډوال د دولتي شبکې د موسسو سره تماس نیولی شۍ. دولتي شبکه د ځوان کډوالو سره د روزنې د مرکز په لټون کې مرسته کوي او په روزنه کې ورسره هم همکاري کوي.

که تاسې د پوهنتون د داخلې لیاقت (Abitur) لرۍ یا مو د مخکې نه زده کړه پیل کړي وي نو  په سیکسني – ان هالټ کې په پوهنتون کې هم زده کړه کولی شۍ. پردې اساس چې تاسې په کوم کورس کې علاقه لرۍ، لطفاً په زیګسن – ان هالټ کې عالي ښوونځیو ته د نړیوالې زده کړې دفترونو ته زنګ ووهئ.